စစ်တွေတွင် သံဃာ့တော် အပါး ၃၀၀ ခန့် မေတ္တာသုတ်များ ရွတ်ဆိုပြီး ဦးဥတ္တမ ရုပ်ထုသို့ ချီတက် ဂါရ၀ပြု

ရခိုင်ပြည်နယ် စစ်တွေမြို့တွင် သံဃာ့တော် အပါး ၃၀၀ ခန့်က မေတ္တာသုတ်များ ရွှတ်ဆိုကာ ဆရာတော် ဦးဥတ္တမ ပန်းခြံသို့ ချီတက်ပြီး ဆရာတော် ရုပ်ထု အား ဂါရ၀ပြုခဲ့ကြသည်ဟု သိရသည်။
http://www.narinjara.com/detailsbur.asp?id=3464

မျက်မြင် တစ်ဦးက နိရဉ္စရာသို့ ယခုလို ပြောသည်။

" နံနက် ၁၀ နာရီလောက်မှာ ရဟန်းတော် ၃၀၀ ခန့်က သပိတ်တွေကိုင်ဆောင်ပြီး ဆရာတော် ဦးဥတ္တမ ပန်းခြံထဲကို ချီတက်လာပါတယ်။ ပီးရင် ဆရာတော် ဦးဥတ္တမ ရုပ်ထုရှေ့မှာ စီတန်းပြီး ဂါရ၀ပြုပြီး ယူဆောင်လာတဲ့ ပန်းတွေ၊ ပန်းခွေတွေကို ချကြပါတယ်။" ဟု ပြောသည်။
ဆရာတော် ဦးဥတ္တမ ရုပ်ထုရှေ့တွင် ရဟန်းတော်များက မိန်းခွန်းအနည်းငယ် ပြောကြားခဲ့ကြသည်ဟု သူက ပြောသည်။
" မိန်းခွန်းပြောပြီးတော့ ၁၁ နာရီခန့်မှာ ရဟန်းတော်တွေ လူစုခွဲပြီး ပြန်သွားကြပါတယ်။ ကိုယ်ကျောင်းတိုက်ကို ကိုယ်ပြန်သွားကြတယ်ထင်ပါတယ်" ဟု သူက ဆက်ပြောသည်။
ရဟန်းတော်များ လာရောက်ပန်းခွေလာချပြီးနောက် ယခုအခါ ဦးဥတ္တမ ပန်းခြံတွင် စရဖနှင့် ရဲသားများကို အပြည့်ချထားလိုက်သည်ဟု မျက်မြင်များက ပြောသည်။
နောက်ထပ် ဒေသခံ တစ်ဦးကလည်း ဦးဥတ္တမ ပန်းခြံ အနီးတ၀ိုက်တွင် လုံခြုံရေး အထူး တင်းကျပ်ထားခြင်းကို ယခုလို ပြောသည်။
" ဦးဥတ္တမ ပန်းခြံမှာ စရဖတွေ၊ ရဲတွေ အပြည့်ဘဲ။ လုံထိန်းတွေလည်း ရောက်နေတယ်။ ရဟန်းတော်တွေ လာပီးတဲ့ နောက်ပိုင်းမှာ လုံခြုံရေးက အပြည့်ဘဲ" ဟု ပြောသည်။
ညနေပိုင်းတွင် ရခိုင်တိုင်းရင်းသားများ တိုးတက်ရေး ပါတီမှ ဦးဆောင်ပြီး လူပေါင်း ၁၀၀၀ ကျော်ခန့်က ဆရာတော် ဦးဥတ္တမရုပ်ထုရှေ့တွင် ပန်းခွေချကာ ဆီးမီး ပူဇော်ခဲ့သည်ဟု သိရသည်။