ဦးတည်လာယာလတ်။ ငါတော့မယုံ။ အဂုတနားက သတင်းတပုဒ်ဖတ်ရရေခါ အောက်သားပါတီNLD က ရွီးကောက်ပွဲ ၀င်ဖို့ပါလတ်ထော။ အခြေခံဥပဒေကို မပြင်ဆင်ပဲနန့် အောက်သားပါတီNLD ကြားဖြတ်ရွီးကောက်ပွဲဝင်စွာရေ ရိုးသားမှု ဟိမဟိကို စိုင်းစားလို့ကျရေ။ ရခိုင်သမိုင်းတလျှောက်မာ အောက်သားတိ တကောင်ချေလဲသော့ မကောင်းခ။ NLD ခေါင်းဆောင် ဒေါ်စုလားမစုလားမသိ။ သူလည်း သူအဖသေပိုင်ယာ ဟိဖို့ပ။ သူ့အဖသေလည်း ယင်းပိုင်မကောင်းခလို့ ရခိုင်သားတိက မြေပုံညီလာခံကို လာခါ မောင်းထုတ်လိုက်ရရေ။ NLD လာကေလဲမောင်းထုတ်ပလိုက်ကတ်ရဖို့။ မကြိုက်စွာကို တည့်တည့်ပြောရေဆိုစွာ ဒီမိုကရေစီ အခြေခံ တရားဖြစ်တေ။ ယင်းနန့်ဇု မောင်းထုတ်ပလိုက်ကတ်ရဖို့။ အကျွန်က ယုံကြည်စွာ တခုဟိရေ။ ဆရာတော်ဦးစိန္ဒာလမ်းစိုင်ဖြစ်တေ ရခိုင်ပြည်လွတ်လပ်ရေး။ ပြန်ပနာပြောရကေ လွတ်လပ်ရေးကို ရွီးကောက်ပွဲနန့် ရဖို့လား။ မယုံ။ ဒေါ်စု မစုလက်ထက်မာလည်းသော့မယုံ။
ကိုယ့်အိမ်ကိုယ့်ယာနန့် နီချင်ရေ ရခိုင်သားရေ ၁၀၀မာ ၉၉.၉၉ဟိပါရေ။ ကျန်စွာ တစ်ရာခိုင်နှုန်းက အောက်သားနောက်လိုက် ထွီးခံဆီးဖို့ အကောင်တိဖြစ်တေ။ ဒေနိန့်အောက်သားနိုင်ငံရေးသမားတိ ဇာပိုင်ခလှမ်း လှမ်းနီလေ့ ကြည့်ဖိ။ အောက်သားတိကို ရခိုင်လူမျိုးတိက ယုံကြည်လို့ မရ။ ဇာဖြစ်လို့လဲဆိုကေ ငါ့ရို့တိကို ကျွန်ပိုင်အုပ်ချုပ်။ ကျွန်ပြုထားရေအတွက်နန့်ဖြစ်တေ။ ဒေနိန့် အောက်သားတိ ရီးဆွဲထားရေ အခြေခံဥပဒေစွာလည်း တရားဝင် ကျွန်ပြုထားရေ စာတမ်းတခုဖြစ်တေ။
ငါရို့တိက ကိုယ့်အိမ်ကိုယ့်ယာမာ နီလို့ ကိုယ့်အိမ်ကိုယ့်ယာ ဖွံ့ဖြိုးရာ ဖွံ့ဖြိုးကြောင်း၊ တိုးတက်ရာတိုးတက်ကြောင်း တခုပိုင်ချောင်လဲသော့ စီမံလို့မရ။ ဒေချင့်ကို ဒေနိန့် RNDP အသိဆုံးဖြစ်ပါလိမ့်မေ။ ယေနန့်ဇု ငါ့ရို့ ရခိုင်တမျိုးသားလုံး လျှောက်ရဖို့လမ်းရေ ဆရာတော်ဦးစိန္ဒာချခရေ လမ်းကို ဆက်လားကတ်ရဖို့ဖြစ်တေ။
ဆရာတော်ဦးစိန္ဒာ ချခရေလမ်းကို ဥက္ကဌကြီး ခိုင်မိုးလင်း ဆက်လားခရေ။ ဒေနိန့်ထိ ဥက္ကဌကြီး တည်ဆောက်ခရေ ရခိုင်ပြည်လွတ်မြောက်ရေးပါတီ(ALP) ရေ လွတ်လပ်ရေးလမ်းစိုင်ကို ဆက်လားနီရေ။ ဒေလမ်းစိုင်ကို အားဖြည့်ယူကတ်မေ။ ဒေလမ်းစိုင်ရေ ရခိုင်တမျိုးသားလုံး အောက်သားအုပ်ချုပ်မှု အောက်က လွတ်မြောက်ဖို့လမ်းစိုင်ဖြစ်ပါကြောင်း။
မောင်ရခိုင်
0 comments:
Post a Comment
မျိုးရိုးမဟာ အသင်းမှာ လိုအပ်ချက်များကို အကြံပြု ရေးသားပေးရန် ဖိတ်ခေါ်အပ်ပါသည်။
ကျေးဇူးအထူးတင်ရှိပါတယ်