ရခိုင်လူမျိုးတိကို သိကတ်ပတ်စီ မြင်ကတ်ပတ်စီ ဖတ်ကတ်ပတ်စီ ဆိုပနာ စေတနာရှီထားပနာ ရွီးသားပီးနိန်ကတ်တေ ရခိုင်စာရွီးဆရာတိကို လေးစားပါရေ။ကျေးဇူးလည်း အထူးတင်ပါရေ။ကိုယ်လည်း စာတစ်ကြောင်း ပီတစ်ကြောင်းမရွီးတတ်၊အပြုသဘောမ
ဆောင် လိုက်ပနာ ပုတ်ခတ်နိန်ရေလူတိကိုလည်း ကျေးဇူးတင်ပါရေ။စည်းရုးံ့မှုဆိုစွာ သီနတ်တစ်လက်ကိုင်ပနာ မင်း ရခု...ိင်သားလား၊မျိုးကို ချစ်လား ယာ..ချစ်ကေ သီနတ်ကိုင် တောထဲကို လားကတ်မေ ဆိုပနာ စည်းရုးံလို့မရပါ။စည်းရုးံမှုဆိုစွာ ဇာလောက်ထိ အရေးပါလဲဆိုစွာကို အမျိုးသားရေး တော်လှန်ရေးလုပ်နိန်ရေ လုပ်နိန်ကတ်ပါရေလို့ ပြောနိန်ကတ်တေလူတိ ပိုလို့သိကတ်ပါလိမ့်မေ။တေးရွီးသူ၊တေးဆိုသူ၊ကဗျာရွီးသူ၊ဆောင်းပါးရွီးသူတိုင်းကို အာမနိန်ကေ့ ရခိုင်လူမျိုးကို ချစ်ကေယာ..သီနတ် ကိုင် တိုက်ပွဲဝင်ကတ်မေဆိုပနာ ခေါ်ကေတော့ စားလီဖိ သကာ ဖြစ်လိမ့်မေ။ဆရာတော်ဦးဥတ္တမ သီနတ်ကိုင်ပနာ တိုက်ပွဲဝင်ခဲ့ခြင်းမဟုတ်။မျိုးချစ်ခြင်းမှာ အမျိုးမျိုးရှိရေ။ပြည်သူ့အသံဆိုစွာ ရှိရေ။ပြည်သူ့အသံကို အလေးထားရရေ။ပြည်သူ့မပါပဲ လွတ်မြောက်ရေးမရနိုင်။အခုခေတ်အရ တစ်အိမ်တက်ဆင်း လုပ်ပနာ စည်းရုးံလို့မရနိုင်။ခေတ်ပေါ်လစီဆိုစွာ ရှိရေ။
နည်းပိရိယာယ်ကို နားမလည်ပဲ မစားရမသောက်ရ ငါ့အတွက်ဆိုရေ အတ္တစွဲကို ကိုင်စွဲပနာ အမျိုးသားရေးကို လုပ်လို့မရ။အူမတောင့်မှ သီလမြဲရေ ဆိုစကားပိုင် အမျိုးသားတော်လှန်ရေးအတွက်ပြည်သူအသံ၊ပြည်သူ့အကူအညီဆိုစွာ ကကောင်းအရေးပါရေ။ပြည်သူတိနန့် တစ်သားတည်းဖြစ်ဖို့အတွက် အဖွဲ.အစည်း အသင်းတစ်ခုမှာ တာဝန်ထမ်းဆောင်နိန်ကတ်တေလူတိက ပိုလို့တာဝန်ရှိရေ။စကားကို ပြီးစလွယ်ပြောလို့မရ။ရှီနောက် အကျိုး အကြောင်းသင့်ညီဖိုလိုရေပိုင် အနစ်နာခံရေစိတ် စိတ်သဘောထားမြင်မြတ်ဖို့လည်း လိုရေ။ပြည်သူကိုကိုယ်စားပြုရေ အဖွဲ.အစည်းတစ်ခုမှာလုပ်ရေဆိုလောက်ကပင် ပြည်သူ၏ ကိုယ်စားပြု ဖြစ်လားဗျာယ်။
အမျိုးသားရေးဆောင်းပါးတိကို ရွီးသားနိန်ရေလူတိ၊အမျိုးသားရေးတေးခြင်းတိကို သီဆိုနိန်ရေလူတိက ဇာအဖွဲ.အစည်းတစ်ခုမှာလည်း မပါဝင်။လမ်းပြပီးရုံသာ။သူရို့စိတ်မှာ ခံစားနိန်ရရေ ခံစားမှု ဆန္ဒတိကို ယင်းသူရို့လုပ်ပီးနိုင်ရေ တက်ကျွမ်းရေနိန်ရေက တာဝန်ကျေအောင်လုပ်ပီးနိန်ခြင်းပင်ဖြစ်တေ။အဆိုတော် ၀င်းကိုခိုင်ကို လားပနာ မိန်းကြည့်လိုက် အမျိုးသားရေးတေးခြင်းတိကို မဆိုနိန်ကေ့ဖိ။အမျိုးကို ဒေလောက်ပင် ချစ်ကေ လာ တိုက်ပွဲဝင်ခလိုက်။သီနတ်ကိုင်ခလိုက်လို့ ခေါ်ခီကတ်။သူနည်းသူဟန်နန့် တိုက်ပွဲဝင် လမ်းပြနိန်ခြင်းဗျာယ်။
သီနတ်ကိုင်မှ အဖွဲ.အစည်းတစ်ခုမှာ ၀င်ရောက်လုပ်ကိုင်မှ မျိုးချစ်တေလို့အရာရောက်ကေ ဆရာတော်ဦးဥတ္တမရို့ပိုင် ပုဂ္ဂိုလ်မျိုးတိ၊ဆရာကြီးဦးဦးသာထွန်းရို့ပိုင် ပုဂ္ဂိုလ်တိ ပေါ်ထွက် ပေါ်ပေါက်လာစရာ အကြောင်းမရှိ။လက်နက်ကိုင် တိုက်ပွဲဝင်ရေလူကလည်း သူနိန်ရာနန့်သူ လုပ်ဆောင်နိန်ကတ်စွာပါဗျာယ်။အိမ်တစ်ဆောင်ဆောက်ဖို့အတွက် တိုင်တစ်တိုင်က အစပြုရရေပိုင် ယင်းအစပြုရေတိုင်ကလည်း အခြီခိုင်ခံ့ဖို့ နှောင်းဖို့လိုအပ်ပါရေ။မဟုတ်ကေတော့ခါ အားလုးံ ပြိုပျက်လားလီပါဖို့။သီနတ်ကိုင်ဖို့အတွက် စိတ်ဓာတ်ခိုင်မာမှု ရင့်ကျက်မှု ပြတ်သားမှု လိုအပ်ပါရေ။မဟုတ်ကေတော့ ကိုယ့်လက်နက် ရန်သူလက်နက် ဖြစ်လားပါလိမ့်မေ။ယင်းပိုင် စိတ်ဓာတ်ခွန်အား ခိုင်မာမှုကို ပီးစွမ်းနိုင်စွာကလည်း စာပီပါ။စာဖတ်မှ အသိဥာဏ် ပညာဆိုစွာ ရလာရေ။
အသိဥာဏ်ပညာ တွေးခေါ်မှု ကောင်းမှ စီမံခန့်ခွဲမှု၊စည်းရုးံမှုတိ ကောင်းလာပါဖို့။စာကြောင်းတစ်ကြောင်းကြောင့် လူတစ်ယောက်ဘ၀ ပျက်လားရေပိုင် လူအယောက်စီတိုင်း၏စိတ်ဓာတ်တိလည်း တက်ကြွလားစီပါရေ။ရခိုင်အများစု ဗိုလ်ချုပ်အောင်ဆန်းကို ဇာအတွက်မုန်းကတ်ပါရေလဲ။ကျွန်တော်သိရသလောက် စကားတစ်ခွန်းကြောင့်ပါ။ရခိုင်နန့်မြီပွီးမာ ရခိုင်ကို အရင်သတ်လို့ ရခိုင်တစ်မျိးသားလုးံကို စော်ကားပနာ ပြောခရေ စကားတစ်ခွန်းကြောင့်ပင် ဖြစ်ပါရေ။ရခိုင်လူမျိုးတိ အသိနန့်မျိုးချစ်စိတ်ကို ဆင်ခြင်နိုင်ကတ်ပါစီ။(ရွီမြောက်ဥူး)
facebook
0 comments:
Post a Comment
မျိုးရိုးမဟာ အသင်းမှာ လိုအပ်ချက်များကို အကြံပြု ရေးသားပေးရန် ဖိတ်ခေါ်အပ်ပါသည်။
ကျေးဇူးအထူးတင်ရှိပါတယ်