ပြည်ပ ရင်းနှီးမြှုပ်နှံမှုတိ့ မြန်မာ့ သဘာဝသယံဇာတနဲ့ မြီယာကို မနစ်နာစီသင့် လို့ ရီနံစောင့်ကြည့်နီရေ Arakan Oil Watch ကအစီရင်ခံစာမှာ တင်ပြထားပါရေ

ရခိုင်ပြည်နယ်က သဘာဝ ဓာတ်ငွေ့တိ့ကို တရုတ်နိုင်ငံ ယူနန်ပြည်နယ်အထိ
ပို့ဆောင်ဖို့ ရွှေ သဘာဝ ဓာတ်ငွေ့ ပိုက်လိုင်း စီမံကိန်းအတွက် ကျောက်ဖြူမြို့
အနားမှာ စက်ယန္တရားကြီးတိ့နှင့် လုပ်နီရေပုံဖြစ်ပါရေ
 
မြန်မာနိုင်ငံမှာ ရင်းနှီးမြှုပ်နှံမှုတိ့ အလုံးအရင်းနဲ့ ၀င်လာကေလေ့ ဘဏ္ဍာရေး
အပိုင်းမှာပွင့်လင့်ပြီကေ တာဝန်ခံမှု မလုပ်ချင်ရကြောင်း တိုင်းပြည် သဘာဝ
ကျိန်စာပိုပြီးဆိုးဝါးလားခရေလို့ Arakan Oil Watch ရခိုင်ရီနံစောင့်ကြည့်ရေး
အဖွဲ့က ပြောလိုက်ပါရေထိုင်းနိုင်ငံ၊ ချင်းမိုင်မြို့မှာ ဒေနိန့်ကနေ့ ထုတ်ပြန်ရေ
" မြန်မာ့သယံဇာတ ကျိန်စာ" ခေါင်းစဉ်နဲ့ "ရေနံနှင့်သဘာဝဓါတ်ငွေ့ ဘဏ္ဍာငွေ
 ပွင်လင့်ပြီကေ မြင်သာမူရှိရေ ပြဿနာတိ့ ဆိုတဲ့ စာမျက်နှာ ၆၀ ပါအစီရင်
ခံစာမှာယားပိုင်ဖေါ်ပြထားပါရေ

မြန်မာနိုင်ငံစွာ သဘာဝသယံဇာတ ပေါကြွယ်ဝကေလေ့ နိုင်ငံမတိုးတက်ဘဲ
 လူထု ဆင်းရဲနီရရေအတွက် သဘာဝ ကျိန်စာသင့်နီရေနိုင်ငံ ဖြစ်နီရေလို့
ရခိုင်ရီနံစောင့်ကြည့်ရေအဖွဲ့ ညွှန်ကြားရေးမှူး ဦးကျော်ခိုင်က ပြောပါရေ
မြန်မာနိုင်ငံစာ ပြည်ပကို ရီနံနဲ့ သဘာဝဓာတ်ငွေ့ ရောင်လို့ရရေ ဖေ့ရှာစွာ
 နှစ်တိုင် အမေရိကန်ဒေါ်လာ သန်းနှစ်ထောင် ရနီပြီကေ၊ ၂ဝ၁၃ ခုနှစ်အပြီမှာ
 တခြားလုပ်ကွက်သုံးခုက သဘာဝဓါတ်ငွေ့တိ့ ထုတ်လုပ်ရောင်းချရေအခါ
 လက်ရှိဝင်ငွေ နှစ်ဆနီးပါး တိုးလာ ဖို့လို့ အစီရင်ခံစာမှာပါရေလို့လဲ့သိ့ရပါရေ
ယားအတွက်နှင့် လက်ရှိ ရှာနီရေ နောက်ထပ် တခြားရီနံနဲ့ သဘာဝဓာတ်ငွေတိ့
လုပ်ကွက်ပေါင်း (၄ဝ) ကျော်ကလည်း၊ နိုင်ငံ့ဘဏ္ဍာဖေ့ရှာ တိ့အများကြီးရရှိလာ
ရေလို့လေ့ ဖေါ်ပြထားပါရေ ယားပိုင် ဘဏ္ဍာဝင်ငွေီ အများ ရရှိနီကေလေ့
 မြန်မာနိုင်ငံစွာကမ္ဘာ့အဆင်းရဲဆုံးနိုင်ငံ ဖြစ်နေရေ ပြည်သူတိ့စွာစွမ်းအင်နဲ
့လောင်စာ ပြတ်လပ်ရေ ပြဿနာနဲ့ ရင်ဆိုင်နီရရေလို့ အစီရင်ခံစာက
 ထောက်ပြပါရေ
ဒေအစီရင်ခံစာနှင့် အတူ BEWG မြန်မာ့ သဘာဝပတ်ဝန်းကျင် အလုပ်အဖွဲ့
ကလည်း စွမ်းအင်၊ ဓာတ်သတ္တုတူးဖော်ရေးနှင့် မြေယာတိ့မှာ ရင်းနှီးမြှုပ်နှံမှု
 စံသတ်မှတ်ချက်တိ့နှင့်  ပတ်သက်ပြီး၊ ကြေညာစာတစ်စောင် ထုတ်လိုက်ပါရေ
 ယားထုတ်ပြန်ချက်မှာ မြန်မာနိုင်ငံမှာ လာရောက် ရင်းနှီးမြှုပ်နှံစွာမှာ သဘာဝသယံဇာတနှင့် မြှီယာအခြေခံရေ အငြင်းပွားမှုတိ့ထိ့ခိုက်နာစီရခြင်း
မရှိသင့်လို့ ပြောလိုက်ပါရေ