ရွှေဂစ်ရပ်တန့်ဖို့ ဘန်ကောက်မှာ မြန်မာသံရုံးရှိ့မှာ ဆန္ဒပြ

လေးဝတီ သတင်းမှာ ဖေါ်ပြ
http://www.laywaddyarakan.com/2012/02/blog-post_7783.html

၂၀၁၂-ခု မတ်လ ၁-ရက်နိန်မိုးထ ၁၀ နာရီမှာ ထိုင်းနိုင်ငံ ဘန်ကောက်မြန်မာသံရုံးရှိမှာ
ရခိုင်သားတိက ရခိုင်ပြည် က ထုတ်ယူနိန်ရေ ရွှေဂတ်စ်ကို ရပ်တန့်က ရပ်တန့်ပီးဖို့ ဆန္ဒပြတောင်းဆိုကတ်တေလို့ လေးဝတီက သတင်း ရရှိ ပါရေ။


ဒေပွဲကို ထိုင်းနိုင်ငံ ချင်းမိုင်အခြေစိုက် ရွှေဂတ်စ်ပရိုဂျက်ဒါရိုက်တာ ကိုဝင်းအောင်ရို့က ကမကထလုပ်ပြီးကေ ဘန်ကောက်မှာ ဟိရေ ရခိုင်အဖွဲ့အစည်းတိ ဖြိုက်ကတ်တေ ALD-Exile Thailand, RPLC, နန့် AF (Arakan Foundation) စရေ ရခိုင့်နိုင်ငံရေး၊ လူမှုရေးအဖွဲ့အစည်းတိက ဦးဆောင်ရေ လို့သိရပါရေ။ ယင်းဆန္ဒပြပွဲကို လူအင်အား ၁၆၀-ကျော်တက်ရောက် ကန့်ကွက်ဆန္ဒပြခကတ်တေလို့ သိရပါရေ။ အင်္ဂလိပ်၊ မြန်မာစာတိနန့် ရွီးထားရေ ထုတ်ပြန်ချက်တိကိုလည်း ဖတ်ပြပြီးနာ ဘန်ကောက်က မြန်မာသံရုံးက တာဝန်ခံတိ လက်ထဲသို့ ပီး လိုက်တေ လို့လည်း သိရပါရေ။ ယင်းဆန္ဒပြပွဲမှာ အဓိက တောင်းဆိုခကတ်စော်တိကတော့ခါ
"ရွေဂတ်စ်ပိုက်လိုက် အယင်ဆုံးရပ်တန့်ပီး၊
ရခိုင်ပြည်က ထွက်တေ ဂတ်ကို ရခိုင်သားတိသုံးခွင့်ပီး၊
ပိုက်လိုင်းအတွက် လုပ်အားပီးပေါ်တာ တိကို ရပ်တန့်ပီး" စရေအချက်တိပါရေ ရွှေဂတ်စ်ကိစ္စနန့်ပတ်သက်လို့ ငငြိမ်းချချမ်းတောင်းဆိုမှုတိကို ဆန္ဒပြတောင်းဆိုခကတ်ပါရေ။

ဆန္ဒပြပွဲကို ဦးဆောင်ရေ ALD-Exile Bangkok ဥက္ကဌ ကိုအံ့မောင်ကြီးကို လေးဝတီကဆက်သွယ်မိန်းကြည့်ရေ အခါ " ဟုတ်ပါရေ၊ ကျွန်နော်ရို့ ဒေပွဲကိုလုပ်ရရေ အဓိကရည်ရွယ်ချက်က ရခိုင်ပြည်က ထွက်တေ ရခိုင့်သယံ ဇာ တတိထဲက တစ်ခုဖြိုက်တေ ဒေရွှေဂတ်စ်ကို ရခိုင်သားတိလုံးဝသုံးခွင့်မဟိဆိုရေအချက်ကို လုံးဝ မကြေ နပ် လို့ ဒေဂုပိုင် သံရုံးရှိကို လာပြီးကေ ဆန္ဒပြရခြင်းဖြိုက်ပါရေ။ လွှတ်တော်မှာ RNDP က ဇာလောက်တင်ပြ ခပါလဲ။ လုံးဝ ငြင်းပယ်ခရပါရေ။ မတရားရေတိုင်းပြည်မှာ မတရားပိုင်အုပ်ချုပ်နိန်ကတ်လို့ ရခိုင်ပြည်သူ တိ ဒေဂုပိုင် အုပ်ချုပ်တေ လူ ဗမာတိ ဖိနိပ်စော် ခံနိန်ရစော်ပါ။ ဒေရွှေဂတ်စ် ကိစ္စမှာ ကျွန်နော်ရို့ဖက်က နစ်နာမှုတိ အများကြီးပါ။ ပြီးကေ ရခိုင်ပြည်သူတိလည်း အကောင်းမနိန်ရပါ။ ထိုကပေါ်တာဆွဲ၊ ဒေက လုပ် အားပီး၊ အိမ်တိယာတိ ပြောင်းပီးရ၊ ပြီးကေ ရခိုင်ပြည်မှာ သဘာဝက ပီးထားရေ စစိမ်းလလန်းတောင် တိ ပြုန်း၊ တောင်တိ ကတုန်း ဖြိုက် ယင်းပိုင် အများကြီး နစ်နာမှုတိ ဆုံးရှုံးမှုတိကို ကျွန်နော် ရို့နန့်တတူ ရခိုင်ပြည်သူတရပ်လုံး ခံစား နိန် ကတ်ရပါရေ။ ယင်းကြောင့် ဒေ အုပ်ချုပ်တေလူတန်းစားတိ အုပ်ချုပ် နိန်စော် ကို မကျေနပ်လို့၊ မတရား ရခိုင်ပြည်သူ တိ ဘားက ဂုတ်သွီးစုပ်နိန်စော်ကို မကျေနပ်လို့၊ ရခိုင်ပြည်က ထွက်တေ ရခိုင့်ဓါတ်ငွေ့ကို ရခိုင်ပြည် သူတိ တစိချေပင်လည်း သုံးခွင့်မရှိလို့ ကျွန်နော်ရို့ရေ ဒေပိုင် ဆန္ဒပြပွဲ ကို အားလုံး၊ဘန်ကောက်တစ်ခုလုံး၊ မြန်မာ တနိုင်ငံလုံး၊ ကမ္ဘာပြတ်လုံး၊ သိအောင် လုပ်လိုက်ရခြင်းဖြိုက်ပါရေ။" လို့ လေးဝတီကို ပြောပြလားခပါရေ

ယင်းဆန္ဒပြပွဲရေ ထိုင်းစံတော်ချိန် ၁၁း၃၀ မှာ ပြီးဆုံးလားပါရေ။ ထိုင်းအာဏာပိုင်တိကလည်း အနှောက်အယှက် ကင်းကင်းနန့် အောင်အောင်မြင်မြင် မိမိရို့၏ ဆန္ဒကို ထုတ်ဖေါ်နိုင်ခပါရေ။