မဆန်းကေလေ. မရိုးရေ နိန်ဝင်ချိန်

မေယူတောင်တန်းထဲကို ၀င်လားခရေ နီလုံးကို နီဝင်ချိန်တိုင်းမှာ မြင်ချင်ပါရေ။
မြို.ကြီးတိပိုင် ဈေးကြီးကြီးတိ ဆေးရုံကြီးကြီးတိ စာတိုက်ကြီးကြီးတိ ကျောင်း
ကြီးကြီးတိ မရှိကေ.လေ ငါ.မြို.ချေစွာ အဓိပါယ်တိ အများကြီးနဲ. သာယာလှ
ပနိန်ရေ။ အိနြေ္ဒ ရှိရှိနဲ. ထီးထီးမားမား ခံခံညားညားနဲ. တည်ရှိနိန်ရေ မေယူတောင်
တန်းကြီးအောက်မှာ စီးဆင်းနိန်ရေ မေယူမြစ်ဘေးနားမှာ ရှိရေမြို.ချေတစ်မြို.မှာ
လူဖြစ်ခွင်.ရရေ ငါ.ဘ၀ကိုငါကျေနပ်တယ်။



ညစာဖက် ထမင်းစားပြီးတိုင်း အိမ်ကမလားရရေ ချောင်းဘေးနားက တန်းထားချေကို
ခိုးလားပြီးကေ ခြီနှစ်ချောင်းစလုံး တွဲလောင်းတန်းထားအောက်ကို ချထားပနာ
တိမ်တောက်ချိန်ကို ထိုင်ပနာကြည်.ရစွာ တနိန်.တာပင်ပန်းလာစွာ ဇာကိုရောက်
လားလေမသိ။ လောင်းချေနဲ. ဈီးရောင်းလို.ပြန်ကတ်တေ မိသားစုတိ ဇာရွာကမှန်း
မသိ လှမ်းအော်ပနာ "ပြန်ပါဗျာလ်လားလို." နှုတ်ဆက်ခရေ အချိန်တိကို ပြန်ပနာ
သတိရမိရေ။

ရှားရှားပါးပါးမြင်ရခဲရေ လင်းပိုင်ကောင်တိ တစ်ခါတစ်ခါရီထဲက ပေါ်လိုက်ပျောက်လိုက်နဲ
ငုပ်နိန်ကတ်စွာတိကို မြင်ရရေ။ ဟိုဘက်ကမ်းမှာ လယ်ထွန်းပြီးကေ ပြန်လာနိန်ကတ်တေ
လယ်သမားတိက တစ်နိန်.တာရဲ. ကုန်ဆုံးချိန် သင်္ကေတကို ဖော်ကျုးနိန်ရေပိုင်။
သဘောင်္ဆိပ်ကမ်းမှာ ရီကူးနိန်ကတ်တေ အချေတိ အကြီးတိကို မြင်ရစွာ စိတ်ချမ်းသာဖို
.ကောင်းရေ။

အာကာထက်မှာ တိမ်တိနဲ.တည်ဆောက်ထားရေ ကျားတိ ဆင်တိ လိပ်တိ ကြောင်ချေတိ
ကို မြင်ရရေ ပန်းချီကားက ဗန်ဂိုဆွဲခရေ ပန်းချီကားထက် အဆတစ်ရာ လှနိန်ရေ။ လူလုပ်တေ
ပန်းချီမဟုတ်ဘဲ သဘာဝအတိုင်းလှနိန်ရေ ပန်းချီကားချေဖြစ်တေ။ ပုဇွန်ဆီရောင် တိမ်တောက်
ချိန်မှာ အကျဉ်းတန်းရေ မမတောင်လှရေဆိုရေ စကားချေကို အမှန်ရာမလားယေလို.
စိုင်းစားမိခရေ။
ကြီးကျယ်ခမ်းနားရေ နိုင်ငံတစ်နိုင်ငံမှာ ဇာမှာလေ မုသားမပါရေ နီဝင်ချိန်။ မီးခိုးငွေ.တိနဲ.
စက်ရုံကထွက်တေ အငွေ.အသက်တိနဲ. ပြည်.နက်နိန်ရေ အာကာမှာ ဖြူစင်ရေ
တိမ်တောက်တိကို ရှာလို.တွီ.နိုင်ဖို.လားယေ။

နိန်ဝင်ချိန်တိုင်း မြင်နိန်ရရေ မရိုးရေမြင်ကွင်းတိ ငါ.တွက် အမြဲတမ်းလှပနိန်ရေ။
ရီအိုးနှစ်လုံးနဲ.ရီခပ်နိန်ကတ်တေ မမချေတိရှိရေ။ စွန်တင်နိန်ကတ်တေ ကလိုင်ချေတိရှိရေ။ ဘောလုံးကျောက် ခြင်လုံးခတ်နိန်ကတ်တေ မင်းကျွန်ပျိုတိနဲ.
စည်ကားလှပနိန်ရေ။ ကန်ဘောင်ထက်မှာ ရေဒီယိုနားထောင်ပနာ စကားထိုင်ပြော
နိန်ကတ်တေ အဘိုးရှင်တိရှိရေ။ ယင်းဘေးနားချေမှာ အချေတိ ပြီးတန်းလိုက်တန်း
ကစပ်နိန်ကတ်တေ။ အိမ်ရှေ.က မြက်ခင်းမှာ ထိုင်ပနာစကားပြောနိန်ကတ်တေ
အဘောင်ရှင်ရို.ရှိရေ။ ဒေမြင်ကွင်းတိ ငါ.မျက်လုံးထဲမှာ ညစာကပိုင် မြင်ယော
င်နိန်သိရေ။

မြို.ချေတစ်ခုဖြစ်ကေလေ. စိတ်ထားဖြူရေလူတိရှိရေ။ ကိုယ်မှားကေ အမှန်ကိုထော
က်ပြတတ်တေ မိဘ အသိုင်းအ၀ိုင်းရှိရေ။ ဟန်ဆောင်ခြင်းတိမရှိရေ ချစ်ဖို.ကောင်းရေ
သူငယ်ချင်းတိရှိရေ။ ထမင်းစားဖို.မကျန်လိုက်ကေ ရပ်ကွက်ကို ပတ်ပနာ ထမင်းဝင်
စားလို.ရရေ။ ညဉ်.ခါတိုင်ကေ လမင်းမသာရေနိန်.တိတောင်မှ ဖယောင်းတိုင်ထွန်းပနာ
"ဆီထိုးတန်း ပုန်းတန်းဝှက်တန်း အတွဲလိုက်တန်း ကြိုးခုန်တန်း ဒူထိုးတန်း" ကစပ်လို.
ရရေ။ အိပ်ဖို.မလာသိလို. မယ်မယ် တုတ်နဲ. သတ်ဖို.လိုက်လာမှ ပြီးဝင်ခရေ အချေခါဘ၀။

အော် ငါလဲအသက်အရွယ် ရလာဗျာလ်မနားယေ။ တောင်.တမိပါရေ ပြန်ပနာ ဖြူစင်ရေ
နိန်ဝင်ချိန်တိုင်းကို။

နန်းစံဖြူ